Plantun de Prouvènço

Pèr coumpara dos planto d'encò nostre

Myosotis arvensis & Valerianella eriocarpa

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico :

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 4 mm
Flourido : Printems - Estiéu

Sòu : Ca
Autour basso e auto : 0 à 1400 m
Aparado : Noun
Abriéu à setèmbre

Liò : Ermas - Prado - Tepiero sablouso - Bos clar
Estànci : Termoumediterran à Subaupen
Couroulougi : Éurasiatico
Ref. sc. : Myosotis arvensis (L.) Hill, 1764

Douceto(-di-fru-pelous)

Valerianella eriocarpa

Caprifoliaceae Valerianaceae

Àutri noum : Grasseto, Greisseto, Pan-froument, Pan-dóu-bon-Diéu.

Noms en français : Doucette à fruits velus, Mâche à fruits velus.

Descripcioun :
La douceto-di-fru-pelous es uno planto verd-clar qu'a de fueio pulèu entiero o un pau dentado amé de flour roso. Li ramo que porton li fru s'espessisson de la baso vers lou soumet. Se recounèis subretout à si fru pelous acaba pèr uno pichoto courouno valènt à dire un "calice" mens (o quàsi) tant large que lou fru.

Usanço :
Dèu agué li mémi prouprieta que la douceto. Èi peréu uno bono ensalado champanello.

Port : Erbo
Taio : 5 à 30 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Roso
Petalo : 5
Ø (o loungour) flour : 1 mm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Remarco : Ensalado champanello
Abriéu à jun

Liò : Tepiero seco - Champ - Sablo - Roucas
Estànci : Termoumediterran à Subremediterran
Couroulougi : Estenoumediterrano
Ref. sc. : Valerianella eriocarpa Desv., 1809

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Myosotis arvensis & Valerianella eriocarpa

Coumpara Te-vese-e-t'ame(-de-champ) emé uno autro planto

Coumpara Douceto(-di-fru-pelous) emé uno autro planto